بەخشینی خوێن وژیان

هذا الوصف ل بەخشینی خوێن وژیان

پێناسە:
رێكخراوێكى ناحكومى مەدەنى سەربەخۆيە،خاوەن كەسايەتيەكى مەعنەوييە، كار ئاسانى دەكات بۆ نەخۆش و نەخۆشخانەكان بە دابينكردنى خوێن لە پێناو پاراستن و ڕزگاركردنى گيانى ھاوڵاتيان، ھاوكارى مرۆيى پێشكەش بە ھەژاران و كەم دەرامەتان دەكات لە ڕێگەى خێرخوازان و ئەنجامدانى كەمپين بەتايبەت نەخۆشانى كەم دەرامەت،رێكخراوێكى خۆبەخشى و كوردستانيە و لەسەر ئاستى كوردستان و ناوچە كوردستانيەكانى دەرەوەى ھەرێم كارو چالاكى دەكات، لە ١٤ـى١ـى٢٠١٥ بە فەرمى لە فەرمانگەى رێكخراوە ناحكوميەكان تۆماركراوە لە لايەن ١١٠ كارگێڕ بە خۆبەخشى بەڕێوە دەبردرێت و دابەش بوون بەسەر لقەكانى رێكخراو.
مەبەست:
مەبەست لەم رێكخراوە پێكھێنانى كۆمەلگەيەكى تەندروستە،ھەروەھا ھێنانەدى گيانى ھاوكارى و خۆبەخشيە لە ڕووداو و نەخۆشيەكان و بەھانەوەچوونى نەخۆش و ئاوارەكان و كەم دەرامەتانە بە شێوەى تيم.
ناونيشان:
ئۆفيسى سەرەكى : پارێزگاى ھەولێر / قەزاى سۆران ـ شەقامى كاوە ـ نزيك دادگاى سۆران
لقەكانى رێكخراو:
١ـ لقى ھەولێر
٢ـ لقى سلێمانى
٣ـ لقى دھۆك
٤ـ لقى كەركوك
٥ـ لقى ھەڵەبجە
٦ـ لقى گەرميان
٧ـ لقى ڕاپەرين
٨ـ لقى كۆيە
٩ـ لقى ئاكرێ
١٠ـ لقى چۆمان
١١ـ لقى شەقڵاوە
١٢ـ لقى ڕواندز
١٣ـ لقى چەمچەماڵ
١٤ـ لقى بەردەڕەش
١٥ـ لقى شارەزوور
١٦ـ لقى پيرمام
١٧ـ لقى سيدەكان
نوێنەر لە خەبات
نوێنەر لە بازيان
بەشى ژيانەوە:
لە ١ـى٥ـى٢٠١٧ بە فەرمى راگەيندراوە و تايبەتە بە گەياندنى پەيامى نەخۆشانى كەم دەرامەتان و كەم ئەندامان و پێويستدار و ھەتيوان بە خێرخوازان و لايەنى پەيوەندى دار
بوارەكانى كاركردن:
(تەندروستى ،ھاوكارى مرۆيى)
داھاتى رێكخراو:
سەرچاوەى سەرەكى دارايى خێرخوازان و كەسانى كۆمەك بەخشن.
ئامانجەكان:
١ـ دروستكردنى تيمێكى فراوان لە پێناو بە ھاناوەچوونى ئەو نەخۆشانەى پێويستيان بە خوێنە.
٢ـ كۆكردنەوەى خوێن بۆ نەخۆشانى تالاسيما و شێرپەنجە.
٣ـ ئەنجامدانى وۆركشۆپ و سيمينار لە بارەى ھۆشيارى
بۆ تاكەكانى كۆمەلگە لە پێناو خۆپاراستن لە نەخۆشيەكانى كەم خوێنى.
٤ـ ئەنجامدانى وۆركشۆپ و سيمينار
بۆ تاكەكانى كۆمەلگە لە پێناو بلاوكردنەوەى ھۆشيارى تەندروستى و چۆنيەتى خوێن بەخشين .
٥ـ دروستكردنى ھەماھەنگى لەگەل دامو دەزگا حكومي و ناحكوميەكان و ئەنجامدانى ھەڵمەتى خوێن بەخشين لە ڕۆژى جيھانى خوێن بەخشين و ڕۆژى جيھانى تالاسيما و سەرجەم بۆنە گشتيەكان
٦ـ دروستكردنى چەند تيمێكى خۆبەخش بۆ بەھاناوەچوونى نەخۆشەكان لە حاڵەتى لە ناكاو وەك (كارەساتى سروشتى،ڕووداوى ھاتووچۆ، شەڕوجەنگ،نەخۆشى كتوپڕ....ھتد)